स्पर्धेविषयी

विचारक्रांती युवा वक्ता – २०२७ ही जाखोरी, ता. जि. नाशिक येथे आयोजित करण्यात येणारी राज्यस्तरीय वक्तृत्व स्पर्धा आहे. या स्पर्धेचे आयोजन टीम विचारक्रांती, जाखोरी यांच्या वतीने केले जाते.

२०२७ हे या स्पर्धेचे दहावे वर्ष असून, गेल्या नऊ वर्षांपासून सुरू असलेला हा वैचारिक आणि वक्तृत्वाचा प्रवास यंदाही नव्या उत्साहाने पुढे नेण्याचा उद्देश आहे.

युवकांमधील वक्तृत्वकला विकसित करणे, त्यांच्यात आत्मविश्वास निर्माण करणे, सामाजिक, शैक्षणिक, सांस्कृतिक आणि राष्ट्रीय विषयांवर स्वतंत्र विचार करण्याची क्षमता वाढवणे तसेच नवोदित वक्त्यांना आपले विचार प्रभावीपणे मांडण्यासाठी एक भक्कम व्यासपीठ उपलब्ध करून देणे ही या स्पर्धेमागील प्रमुख संकल्पना आहे.

या स्पर्धेच्या माध्यमातून महाराष्ट्रातील विविध भागांतील तरुण वक्त्यांना आपले कौशल्य दाखवण्याची आणि आपल्या विचारांची ताकद सिद्ध करण्याची संधी मिळणार आहे.

स्पर्धेच्या मागील वर्षांतील विजेत्यांचा गौरवशाली इतिहास जपण्यासाठी २०१८ ते २०२६ या नऊ वर्षांतील विजेत्यांची छायाचित्रे आणि माहिती वेबसाइटवर उपलब्ध करून देण्याचे नियोजन आहे.